Transcription
1
Reçue à Grenoble, le 05 mars 1573.
2
Monseigneur, il ny a que deux jours que je vous ay escript
3
une lettre despuys laquelle jen ay receu une de monseigneur
4
le marechal Dampville par laquelle me mande quil a faict une
5
recharge à monseigneur le cardinal de Bourbon en ma faveur pour
6
la jouissance du bien de mon filz Seguin qui est au Contat ; par ycelle
7
il proteste que sil ne le faict jouir de son authorité
8
quil sera contreint y employer celle quil a du roy. Je me suys
9
tousiours tant asseuré, monseigneur de votre bone faveur
10
que quant il sera besoing joindre la votre avec celle de mondit seigneur
11
le marechal, vous nous serés bon seyneur. Au demeurant monseigneur,
12
ce present porteur est envoyé des consulz de ce lieu de Piegon
13
pour vous presenter une requeste et vous suplie avoir esguard
14
à leur povreté et aux foulles quilz ont sy longuement sofertes ;
15
et dautant monseigneur, que je rezide en cedit lieu où est
16
le bien paternel de ma fame, je vous ay bien voleu
17
suplier très humblemant avoir pityé d’eux car ceste le
18
plus povre lieu de ce cartier. Et sil vous playt les
19
fère ressantir de la bone faveur quil vous playst me porter,
20
je metray ce bien et obligation avec tant dautres que jay
21
receu de vous. Lon me dict que vous devés dessandre
22
au Valentinois et Montelimar, ce que je dezire pour avoir ce
23
bien dentendre plus sovant de voz nouvelles et recepvoir voz
24
comandemens, ausquelz je seray tousiours prest obéir.
25
Ce pandant je prierey Dieu,
26
monseigneur, vous meintenir en toute prosperité et santé,
27
me recommandant très humblemant à votre bone grace. De Piegon, ce
28
XXIIIe fevrier 1573.
29
Votre très humble et très obeissant serviteur
30
à jamès
31
Pontays